LAN mov
Urriak 03, 05, 06 eta 07 / Bilbo, Gallarta, Portugalete, GaldakaoLAN EMANALDIAK langileriaren nortasuna ulertzeko garrantzitsuak diren edukiak, gaiak eta generoak irudikatzen dituzten langileen inguruko ikus-entzunezko eta sormenezko lanen inguruko erakusketa eta elkarrizketarako espazio pluraltzat hartzen dugu.
LAN 06 OBRERASen proiekzio-jardunaldiak lau saiotan zehar zabalduko dira, eta ikus-entzunezko 12 sorkuntza erakutsiko dira.
Hautaketa horren emaitza azken urteetan egin, filmatu eta ekoitzi diren dokumentu- eta sormen-sorkuntzak dira. Horietan, XXI. mendeko emakume langileen errealitateekiko konpromiso etikoa agertzen da, eta, halaber, esanahi berezia dute lan garaikidearen tipologien produkzio-bilakaera eta identitate berria planteatzeko.
LAN 06 OBRERASentzat interes berezia jarri dugu genero-gaiak jorratzen eta aldarrikatzen dituzten lanetan, zuzendaritza eta protagonismo femeninoa izanik. Estetika berritua eta hizkuntza gogoetatsua duten sorkuntzak dira, emakume langilearen lanaren baldintza desberdinak argi eta garbi islatzea lortzen dutenak.
LAN 06 OBRERASek emakume sortzaileen belaunaldi berrien alde egindako apustuaren isla da filmen % 80 baino gehiago zuzendari gazteek zuzentzen dituztela.
